काठमाडौं । राजधानीबाट मोटरसाईकल चोरी गर्ने गिरोहहरूलाई ट्राफिक प्रहरीले नियन्त्रणमा लिएको छ ।
मोटरसाईकल चोरीको घटना बढे सँगै ट्राफिक प्रहरीले पनि बिशेष अप्रेशन सञ्चालन गर्दै आईरहेको छ । सोही क्रममा महानगरीय ट्राफिक प्रहरी महाशाखाले चावहिलबाट चोरी भएको बजाजको २२० सिसिको पल्सर मोटरसाईकल सहित ३ जनालाई पक्राउ गरेको छ ।
पीडित सहायता ईकाइबाट सादा पोसाकमा खटिएको ट्राफिक प्रहरी टोलीले आज काठमाण्डौ तारकेश्वर नगरपालिका वडा नं. ५ लोलाङस्थित सडकखण्डबाट बास्तविक नम्वर प्लेट परिवर्तन गरी बा ८७ प ८८३९ नम्वरको रातो कालो रङ्गको पल्सर मोटरसाईकल चलाइरहेको अवस्थामा मोटरसाईकल सहित ३ जनालाई पक्राउ गरेको जानकारी ट्राफिक महाशाखाका प्रमुख प्रहरी वरिष्ठ उपरीक्षक जनक भट्टराई जानाकारी दिए ।
पक्राउ पर्नेमा जिल्ला नुवाकोट सुर्यगढी गाउँपालिका – १, भोर्ले घर भई हाल तारकेश्वर-५ लोलाङ बस्ने वर्ष ४१ को जित बहादुर तामाङ्ग, जिल्ला रसुवा नौकुण्ड गाउँपालिका वडा नं. २ घर भई हाल गोकर्णेश्वर - २ नयाँपाटी बस्ने बर्ष ४२ को सोमान गंदान तामाङ्ग, जिल्ला सिन्धुपाल्चोक सुनकोशी गाउँपालिका वडा नं। ५ घर भई हाल बौद्ध बस्ने वर्ष २८ को साङ्तेन तामाङ्ग लामा रहेको महाशाखाले जनाएको छ ।
मोरङ जिल्ला घर भएका पृथ्वीमान लिम्बुले बा ८९ प २२८५ नम्वरको २२० सी.सी. को कालो रंङ्गको पल्सर मोटरसाईकल चाबाहिल मैजुबहालबाट हराएको भनि यस महाशाखामा निवेदन दिएका थिए ।
हराएको निबेदनको आधारमा सुचना संकलन र हुलियाको आधारमा खोजतलास गरि हराएको मोटरसाईकल र चोरीमा संलग्न ३ जनालाई पक्राउ गरी आवश्यक कारवाहीको लागि महानगरीय प्रहरी वृत्त, गौशाला पठाईएको महाशाखाका प्रवक्ता एसपी श्याम कृष्ण अधिकारीले जानकारी दिए ।
यस आ.व.०७७/७८ मा चोरीको मोटरसाइकल सहित संलग्न ३२ जनालाई पक्राउ गरी मुद्दा चलाउन विभिन्न प्रहरी ईकाइमा पठाएको छ भने चोरी भई खोजतलास गरी १४७ वटा मोटरसाईकल सम्बन्धित सवारी धनीलाई जिम्मा लगाएको महाशाखाले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
