काठमाडौं । साताको अन्तिम कारोबार दिन आज शेयर बजारमा थप नयाँ रेकर्ड कायम भएको छ । बिहीबार नेप्से परिसूचक ३१.८७ अंकले बढेर २३७४.६४ अंकमा पुगेसंगै शेयर बजारमा नयाँ रेकर्ड कायम भएको हो ।
बिहीबार राम्रा र बलिया कम्पनीहरुको मापक सेन्सेटिभ इन्डेक्स पनि बढ्यो । सेन्सेटिभ इन्डेक्स २.५९ अंकले बढेर ४४५.५९ अंकमा पुग्यो ।
आज बैंकिङ्ग र सामुहिक लगानी कोष बाहेक अन्य सबै समुहको सूचक बढ्यो । बैकिङ्गको सूचक ०.२२ अंकले घट्यो भने सामुहिक लगानी कोषको ०.४३ अंकले घट्यो ।
सबैभन्दा धेरै निर्जीवन बीमा समुहको सूचक बढ्यो । निर्जीवन बीमाको सूचक ४.९४ प्रतिशत बढ्यो । त्यस्तै, जलविद्युतको ३.७७ प्रतिशत बढ्यो ।
बिहीबार कारोबार रकममा पनि केही वृद्धि भएको छ । आज २०९ कम्पनीको १ करोड ८१ लाख ५ हजार ६ सय ७१ कित्ता शेयर किनबेच हुँदा ७ अर्ब ७९ करोड ८५ लाखको कारोबार भयो ।
आज कारोबारमा आएका मध्ये २१ वटा कम्पनीको शेयर मूल्यमा पोजेटिभ सर्किट लाग्यो । सबैभन्दा धेरै सर्पोट लघुवित्तको शेयर मूल्य १० प्रतिशत बढ्यो । त्यस्तै, स्वाभिमान लघुवित्तको ९.९८ प्रतिशत बढ्यो ।
सबैभन्दा धेरै गुमाउनेमा नारायणी विकास बैंकका शेयर धनी छन् । बैंकको शेयर मूल्य ६।७० प्रतिशत घट्यो । त्यस्तै, नेपाल हाइड्रो डेभलर्सको ४.२५ प्रतिशत घट्यो ।
बिहीबार सबैभन्दा धेरै कारोबार नेपाल लाइफ इन्स्योरेन्सले गर्यो । इन्स्योरेन्सले ५३ करोड ३३ लाख १२ हजारको कारोबार गर्यो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
