काठमाडौं । रौतहटको गरुडा नगरपालिका–४ स्थित श्रीराम सुगर मिल्सले किसानको २५ करोड रूपैयाँ बक्यौता रकम भुक्तानी गरेको छ ।
श्रीरामले एक सूचना जारी गर्दै किसानको बक्यौता तिर्न पुस ३ गते १६ करोड ४४ लाख ७० हजार ७०० रुपैयाँ र आज ५ गते ८ करोड २५ लाख ५७ हजार ५१९ गरी कुल २५करोड ३० लाख २७ हजार ५२६ रुपैयाँ जम्मा गरेको जानकारी गराएको छ ।
खातामा जम्मा भएको रकम रकमबाट किसानको रकम भुक्तानी गर्न सम्बन्धित बैंकलाई निर्देशन दिइएको उद्योगले जनाएको छ । कृषकको बक्यौता भुक्तानी शुरु भइसकेको र क्रमशः सबै किसानले भुक्तानी पाउने उद्योगले जनाएको छ
उद्योग वाणिज्य तथा आपूर्ति मन्त्रालयको तथ्याङ्कअनुसार श्रीराम सुगर मिल्सको बक्यौता रकम रु ३५ करोड रहेको छ । अझै मिल्सले रु १० करोड रकम भुक्तानी गर्न बाँकी रहेको छ ।
यसैगरी मन्त्रालयको तथ्याङ्कअनुसार लुम्बिनी चिनी मिल्सको रु आठ करोड ४१ लाख, इन्दिरा सुगर मिल्सको रु चार करोड ७० लाख, अन्नपूर्ण सुगर मिल्सको रु १७ करोड बाँकी रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
