काठमाडौं । उखु किसानको सबै बक्यौता तीन दिनभित्र भुक्तानी गर्न श्रीराम सुगर मिल तयार भएको छ ।
चिनी उद्योगी संघका अध्यक्ष शशिकान्त अग्रवालको अनुसार श्रीराम सुगर मिलले १–२ दिनभित्र सबै बक्यौता तिरिसक्ने प्रतिबद्धता जनाएको हो ।
एउटाले गर्दा सबै चिनी उद्योगको बदनाम भएको साथै रकम भुक्तान गर्न ढिलाइ हुनु किसानमाथि अत्याचार भएको अग्रवालले बताए ।
उद्योग तथा वाणिज्य र श्रम तथा उपभोक्ता हित समितिले उखु किसानको आन्दोलन र चिनी उद्योगीले बक्यौता नदिएको विषयमा छलफल गरिरहेको छ । समितिको बैठकमा उद्योग, वाणिज्य तथा आपूर्ती मन्त्रालयका सचिव चन्द्रकुमार घिमिरेले १ वर्षमा ७५ करोड बक्यौता भुक्तानी भएको बताए ।
२०७६ पुस १८ सम्म १४ उद्योगको १४० करोड बक्यौता रहेकामा २०७७ मंसिर ९ सम्म ६५ करोड बाँकी रहेको समेत घिमिरेले समितिलाई जानकारी दिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
