काठमाडौं । सरकारले कात्तिक मसान्तसम्म अन्तराष्ट्रिय सीमा नाका बन्द गर्ने निर्णय गरेको छ। कोरोनाभाइरसको संक्रमण थप बढ्न नदिन सोमबार बसेको मन्त्रिपरिषद् बैठकले सो निर्णय गरेको हो ।
बैठकले कोरोनाभाइरसको संक्रमण बढ्दै गइरहेकोले जोखिमको अवस्था कायमै रहेकोले अन्तराष्ट्रिय सीमा नाका थप एक महिना बन्द गर्ने निर्णय गरेको हो ।
यसअघि नेपालसँग सीमा जोडिएका अन्तराष्ट्रिय सीमा नाका असोज मसान्तसम्म बन्द गर्ने निर्णय गरिएको थियो । तर अब भने यसै निर्णयलाई निरन्तरता दिदै थप एक महिना बन्द गर्ने निर्णय गरिएको जनाइएको छ ।
त्यस्तै आजको बैठकले कोरोनाको संक्रमण बढ्दै गइरहेकोले सबैले दशैं तिहार जस्ता चाडपर्व यथास्थानमा मनाउन सबैलाई अपिल गरेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
