काठमाडौं। नेपाल स्टक एक्सचेञ्ज (नेप्से) परिसूचकमा सामान्य अंकले बढेको छ । सोमबार नेप्से १.७४ अंकले बढेर १५७८. १ विन्दुमा कायम भएको छ ।
यसदिन १८९ कम्पनीको १ अर्ब ९४ करोड ९० लाख ६० हजार १९४ रुपैयाँ बराबरको कारोबार भएको छ । ६८ लाख १५ हजार ७१० कित्ता सेयर किनबेच भएका छन् ।
कारोबारमा आएका १२ वटा समूहमध्ये ५ वटा समूहको परिसूचक उकालो लागेका छन् भने बाँकी ७ समूहको परिसूचक ओरालो लागेका छन् ।
आज सबैभन्दा धेरै विकास बैंक समूहको परिसूचक ७९.१२ अंकले बढेको छ भने जीवन बीमा समूहको परिसूचक सबैभन्दा धेरै २८.३४ अंकले घटेको छ ।
आज लगानीकर्ता विकास बैंकको सेयरमा झुम्मिएका छन् । यसअघि हाइड्रोपावरको सेयरमा झुम्मिएका लगानीकर्ता त्यसमा प्रफिट बुक गरेपछि आज विकास बैंकतर्फ डाइभर्ट भएका हुन् ।
आज लगानीकर्ताको रोजाइमा मुक्तिनाथ विकास बैंक परेको छ । यसको सबैभन्दा धेरै १६ करोड ५० लाख रुपैयाँभन्दा बढीको सेयर किनबेच भएको छ । कारोबारकै आधरमा अरुण भ्याली हाइड्रोपावर र कामना सेवा विकास बैंकको सेयर क्रमशः दोस्रो र तेस्रो स्थानमा रहे ।
आज मुक्तिनाथ विकास बैंकको सेयर मूल्यमा पोजेटिभ सर्किट लागेको छ । यसका सेयरधनीले करिब १० प्रतिशत कमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
