काठमाडौं । बागमती प्रदेश सरकारको सामाजिक विकास मन्त्रालयले २३७ जना विद्यालय नर्स माग गरेको छ । मन्त्रालयले आज एक सूचना प्रकाशित गरी आर्थिक वर्ष ०७७/०७८ को स्वीकृत कार्यक्रम अनुसार करारमा विद्यालय नर्स माग गरेको हो ।
मन्त्रालयले पाँचौ तह विद्यालय नर्स ११८ स्थानीय तहका लागि प्रति स्थानीय तह २ जना नर्स तथा गोसाईकुण्ड गाउँपालिकाका लागि एक जना नर्स गरी २३७ जना नर्सको दरखास्त आब्हान गरेको छ ।
मन्त्रालयले माग गरीएका नर्सहरुले स्थानीय तहका तोकिएका विद्यालयहरुमा काम गर्नुपर्ने भनेको छ । एक उम्मेदवारले एक स्थानीय तहमा मात्र उम्मेदवार हुन पाउने प्रावधान छ ।
यसैगरी मन्त्रालयले सातौं तहको एक जना कार्यक्रम संयोजक पनि माग गरेको छ भने, सातौं तहकै विद्यालय नर्स संयोजकका रुपमा एक जना नर्सिङ अधिकृत पनि माग गरेको छ ।
सुचना अनुसार सातौं तहको एक जना सिभिल इन्जिनियर पनि माग गरीएको छ । इच्छुक उम्मेदवारले असोज २८ गतेसम्ममा अनलाइन दरखास्त दिन सक्नेछन् ।
हेर्नुहोस सूचना
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
