काठमाडौं। सरकारले नेपाल–चीनबीच सीमा विवाद नरहेको बताएको छ ।
सरकारका प्रवक्तासमेत रहेका परराष्ट्रमन्त्री प्रदीप ज्ञवालीले मन्त्रिपरिषद बैठकका निर्णय सार्वजनिक गर्न बुधबार आयोजित नियमित पत्रकार भेटघाटमा हुम्लाको लिमी उपत्यकामा भूमि अतिक्रमण नगरेको प्रष्ट पारेका हुन् ।
ज्ञवालीले २०७३ सालमा बनेको अन्तर मन्त्रालय छानबिन समिति गठन गरेर स्थलगत अध्ययन गरेको बताए । उक्त टोलीले चीनले आफ्नै भूभागमा भवन निर्माण गरेको प्रतिवेदन बुझाएको बताए ।
‘बनेका घरहरु नेपाल–चीन सीमाबाट एक किलोमिटरभित्र चिनियाँ भूभागमा बनेको पाइएको रहेछ’, उनले भने, ‘त्यसकारण नेपाल र चीनबीच सीमाको समस्या छैन् ।’
उनले अहिले हुम्लाका प्रमुख जिल्ला अधिकारीको नेतृत्वको टोली स्थलगत भ्रमणमा रहेको र सो टोलीले कुनै नयाँ कुरा ल्याए त्यस विषयमा जानकारी गराउने बताए।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
