चितवन । चितवनको कृषि तथा वन विज्ञान विश्वविद्यालयको केन्द्रीय कार्यालयमा दुई महिना अघि गरिएको तालाबन्दी अझै खुल्न सकेको छैन ।
अधिकांश समय निमित्त पदाधिकारीको भरमा चल्दै आएको विश्वविद्यालय पदाधिकारीको अभावमा अस्तव्यस्त बन्दै गएको छ ।
नेपाल राष्ट्रिय कर्मचारी संगठनको नेतृत्वमा अस्थायी र करार कर्मचारीहरु सहितले विश्वविद्यालयमा साउन १२ गते तालाबन्दी गरेका हुन् ।
उनीहरुले केन्द्रीय कार्यालयसँगै कृषि र भेटेरिनरी सङ्कायमा पनि तालाबन्दी गरेका छन् ।
संगठनका अध्यक्ष अचल शाक्यले त्यहाँ कार्यरत २४ जना करार कर्मचारीलाई स्थायी र ८५ ज्यालादारी कर्मचारीलाई करारसहितका माग राख्दै तालाबन्दी गरिएको बताए ।
हाल उपकुलपतिको जिम्मेवारी पाएका डा शारदा थपलिया आफ्ना मागहरु सम्बोधन गर्ने विषयमा अनुदार भएकै कारण तालाबन्दी गर्नुपरेको शाक्यको भनाइ छ ।
तत्काल संगठनको माग सम्बोधन गर्न नसकिने उपकुलपत थपलियको भनाइ छ ।
विश्वविद्यालयको सेवा आयोगको अध्यक्ष र रजिष्ट्रार पद रिक्त छ । -रासस
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
