काठमाडौं । स्थानीय तहहरुले अनावश्यक रुपमा पीसीआर मेसिन खरिद गरिरहेका छन् । अहिले नेपालमा स्थापना भएका प्रयोगशालाको क्षमताले नेपालका लागि पुग्ने भएकाले थप पीसीआर मेसिनहरु आवश्यक नभएको सरोकारवालाहरुले बताउँदै स्थानीय तहहरु पीसीआर मेसिन किन्न तछाड मछाड गरिरहेका छन् ।
त्यस्तै उदाहरण देख्न सकिन्छ, नुवाकोटमा पीसीआर मेसिन खरिद प्रकरण अहिले अख्तियार दुरूपयोग अनुसन्धान आयोगमा समेत उजुरी परेको छ ।
नगरपालिकाले अनलाइन टेण्डरमा सहभागी भएका चार कम्पनी मध्ये सबैभन्दा बढी रकम कबोल गर्ने दोस्रो कम्पनीलाई मेसिन खरिदको जिम्मा दिने निर्णयसागै उक्त प्रकरण अख्तियारमा पुगेको हो ।
विदुर नगरपालिकाले शनिबार एक राष्ट्रिय दैनिक पत्रिकामा ठेक्का स्वीकृत भएको आशयको सूचना प्रकाशित गरेपछि पीसीआर मेसिन खरिदमा कमिसनको खेल प्रकरण बाहिरिएको हो ।
नगरपालिकाले भ्याटसहित ६१ लाख रूपैयाँ प्रस्ताव गरेको कम्पनी सि कन्सेप्टलाई पन्छाएर चौँथो नम्बरको भ्याटसहित ७६ लाख ३ हजार रूपैयाँ प्रस्ताव गर्ने मेनका इन्टरप्राइजेजलाई खरिदको जिम्मा दिने गरी टेण्डर स्वीकृत गरेको छ ।
नगरपालिका स्रोतका अनुसार मेयर सञ्जु पण्डितका विश्वास पात्र समेत रहेका जनसम्पर्क अधिकृत रामहरि अधिकारीले टेण्डरको सूचना प्रकाशन अगावै डिल गरेको कम्पनी मेनका इन्टरप्राइजेजलाई खरिदको जिम्मा दिइएको हो ।
नगरपालिकाका एक कर्मचारीका अनुसार मेनक इन्टरप्राइजेजका प्रतिनिधिसँगको सल्लाहपछि अघिकारीले टेण्डरको सूचना प्रकाशित गर्नुअघिनै मेयर पण्डित र पछि शोधभर्ना दिने गरी पैसा दिन तयार रहेका सांसद खतिवडासँग मेसिन र कम्पनीको बारेमा ब्रिफिङ दिएका थिए ।
नगरपालिकाले गत साउन ३२ गते एक साताको समय दिएर पिसिआर मेसिन खरिदका लागि टेण्डर आह्वान गरेको थियो । सोही अनुसार पाँच वटा कम्पनीले टेण्डरमा सहभागिता जनाएका थिए । सूचना अनुसार भाद्र ८ गते इटेण्डर खोल्नुपर्न भए पनि सार्वजनिक खरिद अनुगमन कार्यालयको वेइसाइटमा आएको समस्याका कारण केही दिन थपिएको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
