काठमाडौं । अयोध्या स्थित श्रीराम जन्मभूमि तीर्थ क्षेत्र ट्रस्टका महन्त नृत्य गोपाल दास महाराज कोरोना संक्रमण मुक्त भएका छन् ।
मेदान्त अस्पतालमा उपचाररत महाराज चार साताको उपचारपछि डिस्चार्ज भएर एयर एम्बुलेन्स मार्फत अयोध्या फर्किएका हुन् । अयोध्या उनि एकसाता आइसोलेसनमा बस्नेछन् ।
भारतिय सञ्चार माध्यमका अनुसार सोमबार दिँउसो १: ३० बजे अस्पतालले डिस्चार्ज गरेको हो । कृष्ण जन्माष्टमी मनाउन मथुरा पुगेका नृत्यगोपाललाई कोरोना संक्रमण पुष्टि भएको थियो ।
मथुराको सीताराम मन्दिरमा बसेका महाराजको अचानक स्वस्थ्य अवस्था बिग्रिएपछि जाँच गर्दा कोरोना पोजेटिभ देखिएको थियो ।
महन्त नृत्यगोपाल श्रीकृष्ण जन्मभूमि न्यासका पनि अध्यक्ष हुन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
