काठमाडौं । उपत्यकामा कोरोना भाइरस संक्रमण नियन्त्रणका लागि जारी गरिएको निषेधाज्ञापछि तरकारी, फलफूलको भाउ बढेको छ ।
उपत्यकाका तीन जिल्लामा भदौं तीनगते रातीदेखि निषेधाज्ञा जारी भएसँगै फलफूल तथा तरकारी भाउ आकासिय हो । निषेधाज्ञा पहिलो हप्ता बढेको भाउ बजार अनुगमनसँगै केहि भने घटेको छ ।
तरकारीको भाउ घटेपनि खुद्रा व्यापारीले होलसेलमै तरकारी र फलफूलको मूल्य वृद्धि भएको भन्दै महँगो मूल्यमा बिक्री गर्दै आएका छन् ।
बजारमा तरकारीको भाउ कसरी वृद्धि भइरहेको छ भन्ने विषयमा उपभोत्तामा भने जानकारी छैन ।
सरकारले विदेशबाट उद्धार गरेर ल्याएका कामदारलाई होटल क्वारेन्टिनमा राख्ने हुँदा होटल व्यवसायीले धेरै तरकारी किनेर स्टोर गर्न थालेर मंहगो हुन थालेको व्यवसायीको भनाई छ ।
तरकारी र फलफूलको भाउ बढेसँगै उपभोक्ताले तरकारी किनेर छाक टार्न मुस्किल भइरहेको गुनासो गर्न थालेका छन् ।
उपत्यकाको ठूलो तरकारी बजार कालीमाटी फलफूल तथा तरकारी बजार विकास समितिको मूल्य सूची अनुसार आइतबार गोलभेडा ठूलो (नेपाली) प्रतिकेजी १०० रुपैयाँ, गोलभेडा सानो ७२ र गोलभेडा सानो-टनेल ८२ रुपैयाँ रहेको छ ।
आलु रातो ७४, आलु रातो (भारतीय) ५७ र आलु रातो(मुडे) को प्रतिकेजी ६१ रुपैयाँमा कारोबार भैरहेको छ ।
त्यसै प्याज सुकेको भारतीय ४१, गाजर ५५ बन्दा ४२, काउली स्थानिय ११५, मूला सेतो २८, सेतो मूला ३५ भन्टा लाम्चो प्रतिकेजी ५५ रुपैयाँ रहेको छ । स्याउ(झोले) प्रतिकेजी १५५, स्याउ (फूजी) २९५ रुपैयाँ रहेको छ ।
केरा दर्जन ६५, कागती प्रतिकेजी १४५ र अनार प्रतिकेजी १९५ तरबुजा(हरियो) ५३ रुपैयाँ रहेको छ ।
बोडी प्रतिकेजी ९५, घिउ सिमी(लोकल) ९५, घिउ सिमी(हाइब्रीड) ९५, भटमासकोशा ७५, तितो करेला २०, लौका ३५, चिचिण्डो २८ घिरौला २८, फर्सी पाकेको ३८, हरियो फर्सी(डल्लो) ३८ भिण्डी ७५ रुपैयाँ रहेको छ ।
रायो साग,पालूगो साग र चमसूरको साग प्रतिकेजी ६५ रुपैयाँ रहेको छ । निषेधाज्ञापछि तरकारी तथा फलफूलजन्य वस्तुको ढुवानी र आपूर्तिमा समस्या हुँदा मूल्य बढेको व्यापारीहरुको भनाई छ ।
बिहान र बेलुका पनि तरकारी पसल नखुल्ने र आपूर्तिमै समस्या भएको तरकारी व्यवसायीहरु बताउँछन् ।
निषेधाज्ञापछि उपत्यकामा अत्यावश्यकबाहेक सबै क्रियाकलाप बन्द गरिएको छ । तरकारी तथा फलफूल अत्यावश्यक सामग्रीअन्तर्गत राखिएको छ भने आयातमा पनि कुनै रोक लगाइएको छैन ।
निषेधाज्ञापछि बजारमा तरकारीको मूल्य अस्वाभाविक रुपमा बढेको गुनासो आउन थालेपछि वाणिज्य, आपूर्ति तथा उपभोक्ता संरक्षण विभागले बजार अनुगमन बढाएको छ।
विभागका महानिर्देशक र निर्देशकहरुको टोली आफैं तरकारीको अनुगमनमा निस्केको थियो। विभागबाट १५ वटा अनुगमन टोली खटिएर दर्जनभन्दा बढी स्थानका ५० भन्दा बढी तरकारी पसलको अनुगमन गरेको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
