काठमाडौं । रुपन्देहीको तिलोत्तमा नगरपालिकामा पाँच जनाको सामूहिक हत्या गरिएको छ ।
तिलोत्तमा नगरपालिका–१० स्थित स्थानीय कृष्ण पुनको गंगादेवी फार्म हाउसमा कार्यरत पाँच मजदूरको सामूहिक हत्या भएको प्रहरीले जानकारी दिएको छ ।
कोदालो प्रहार गरेर तिलोत्तमाको गंगादेवी फार्म हाउसमा कार्यरत ४ पुरुष र एक महिलाको हत्या अभियोगमा प्रहरीले एक जनालाई पक्राउ गरेको छ ।
पक्राउ पर्नेमा सुर्खेत घर भएका ३१ वर्षीय झकेन्द्र सिंजाली रहेका छन् ।
लागूपदार्थ सेवन गरेर सुतेको ठाउँमा झकेन्द्रले अन्धाधुन्ध कोदालो प्रहार गरेर हत्या गरेका बताइएको छ ।
फार्म हाउसमा कार्यरत महिलामाथि उनले बलात्कार प्रयास गरेको र असफल भएपछि हत्या गरेको हुनसक्ने बताइएको छ ।
हत्या हुनेमा रुपन्देहीको मुर्गिया बस्ने ४० वर्षीय माधव मुसहर, ३७ वर्षीया जानकी मुसहर, १४ वर्षीय पकराज मुसहर, १६ वर्षीय करण चौधरी र १५ वर्षीय आशिष चौधरी रहेका छन ।
पकराज मुसहर तिलोत्तमा–९ का बासिन्दा हुन् । आशिष र करण पनि तिलोत्तमाकै स्थानीय रहेका बताइएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
