काठमाण्डौ । वीरगञ्जको नारायणी अस्पतालमा उपचार गराइरहेका ४३ जना कोरोना संक्रमित डिस्चार्ज भएका छन ।
त्यहाँ उपचार गराइरहेका सबै कोरोना संक्रमित डिस्चार्ज भएपछि सो अस्पताल तत्कालका लागि संक्रमितमुक्त बनेको हो ।
पछिल्ला तीन दिनको अवधिमा सो अस्पतालको आइसोलेसनमा वार्डमा रहेर उपचार गराइरहेका सबै ७० कोरोना संक्रमित निको भएर घर फर्किएका हुन् ।
पछिल्लो पटक सोमबार अपरान्ह यो अस्पतालबाट ४३ कोरोना संक्रमित डिस्चार्ज भएका छन् ।
अस्पतालका प्रमुख मेडिकल सुपरीटेन्टेडन्ट डा. मदनकुमार उपाध्यायका अनुसार सोमबार डिस्चार्ज हुने एकजना सर्लाहीका हुन् भने बाँकी सबै पर्साका हुन् ।
सबै संक्रमितका पछिल्ला २ वटा रिपोर्ट नेगेटिभ आएपछि डिस्चार्ज गरिएको समेत उनले प्रष्ट्याए ।
सोमबार डिस्चार्ज हुनेमा पत्रकार महासंघ पर्साका अध्यक्षसहित संक्रमित २ पत्रकार समेत छन् ।
आइतबार राति मात्रै यो अस्पतालले एकैपरिवारका १८ जनालाई डिस्चार्ज गरेको थियो ।
त्यसअघि शनिवार ९ जना संक्रमित निको भएर डिस्चार्ज भएका थिए ।
नारायणी अस्पतालबाट डिस्चार्ज भएका पछिल्ला ४३ संक्रमितसहित नेपालमा निको भएर घर फर्किने संक्रमितको कुल संख्या १५५ पुगेको छ । हालसम्म ६८२ मा संक्रमण फेला परिसकेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
