काठमाडौं । ‘सर मेरो गोप्य भिडीयो यहाँ आइपुगेको भन्दै कल आएको थियो, फोन गर्नेले मलाई साइबर क्राइमको प्रहरी हूँ भनेको थियो ।’
भोटाहिटीस्थित साइबर ब्यूरोमा एक अधवैशे महिला आत्तिदै पुगिन् । ड्युटी अफिसरले उनलाई फोन आएको नम्बर मागे । तर, उनको मोबाइलको कल लगमा नम्बर देखिएको थिएन् ।
सोमबार ती महिलालाई आएको कल जस्तै ‘अननोन नम्बर’बाट आजभोलि त्यसरी फोन आएको भन्दै ब्यूरोमा धाउनेको संख्या बढेको छ ।
ल्याण्डलाइन फोन र मोबाइलमा अननोन नम्बरबाट फोन गर्नेले ‘साइबर ब्यूरोको प्रहरी हूँ’ भन्दै ब्ल्याकमेलिङ गर्ने गरेका छन् ।
लकडाउनसँगै देखिएको यो समस्या एकपछि अर्को गरी बढ्न थालेपछि ब्यूरोले सो घट्नाको अनुसन्धान थालेको छ ।
सोमबार ब्यूरोले कलर आइडीमा नदेखिने नम्बरबाट फोन र इमेलबाट अपरिचितले व्यक्तिगत विवरण मागेमा नदिन र तत्काल ब्यूरोलाई जानकारी गराउन सार्वजनिक सूचना जारी गरेको छ ।
उजुरी बढेपछि अनुसन्धान
वैशाख महिनामा साइबर ब्यूरोमा आधा दर्जन त्यस्ता उजुरी परेको छ ।
फोन गर्नेहरुले ‘इजि टार्गेट’ छानेर ब्ल्याकमेल गरिरहेको प्रारम्भिक अनुसन्धानबाट खुलेको साइबर ब्यूरोका एक अधिकृतले बताए ।
‘पीडितको बारेमा सबै जानकारी राख्नेले नै ब्ल्याकमेल गरिरहेको देखिएको छ’ ब्यूरोका ती अधिकृत भन्छन्–‘ब्ल्याकमेलरले पैसा भएका र सामाजिक सञ्जालबारे खासै चासो नभएकालाई टार्गेट गरेको देखिन्छ ।’
एकपछि अर्को उजुरी बढ्न थालेपछि साईबर ब्यूरोले त्यसबारे अनुसन्धान गरिरहेको छ ।
फोन गर्नेहरुले प्रहरीको हवाला दिँदै ‘बाँकी फोटो भिडीयो पनि पठाउनुस्, अनुसन्धान भइरहेको छ’ भनेर त्यस्ता सामग्री प्राप्त गरेपछि सामाजिक सञ्जालमा अपलोड गरेर चरित्र हत्या गर्ने गरेका छन् ।
प्रहरीले त्यस्ता फोनकाे विश्वास गर्न र ब्यूराेमा खबर गर्न आग्रह गरेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
