सर्लाही । आपतविपद्मा एकअर्कामा सहयोग गर्ने ‘मानापाथी’को प्रचलन हराइसकेको अवस्थामा यहाँको वाग्मती नगरपालिकाले सो प्रचलनलाई शुरुआत गरेको छ ।
कोभिड–१९ को सम्भावित जोखिम हुन नदिन लकडाउन जारी गरिएपछि समस्यामा परेका अति विपन्न परिवारलाई खाद्यान्न सहयोग गर्न मानापाथी अभियान शुरु गरिएको नगर प्रमुख भरतकुमार थापाले जानकारी दिए ।
बिहीबारदेखि सुरु भएको सो अभियानमा प्रदेशसभा सदस्यदेखि खानेपानी उपभोक्ता समितिसम्मले सहयोग गरेको नगरपालिकाले जनाएको छ ।
प्रदेशसभा सदस्य डिल्लीप्रसाद उपे्रतीले ५ क्विन्टल चामल, तथा ढुंगे्रखोला बृहत खानेपानी उपभोक्ता समितिले बीस क्विन्टल चामल, एक क्विन्टल दाल र दुई क्विन्टल नुन प्रदान गरेको छ । यसैगरी रामजानकी साना किसान कृषि सहकारी संस्था धरहराले १५ हजार एक सय पाँच रुपैयाँ प्रदान गरेको नगरपालिकाले जनाएको छ ।
नगरपालिकाले विपन्न परिवारलाई खाद्यान्न समस्या नहोस् भन्नाका लागि सो थालनी गरेको र अभियान जारी रहेको जनाएको छ ।–रासस
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
