काठमाण्डौ । औषधि व्यवस्था विभागले दुई औषधि तत्कालका लागि प्रयोग नगर्न र नगराउन अनुरोध गरेको छ ।
विभागले मंगलबार एक सूचना जारी गर्दै विभागमा दर्ता भई विभिन्न उत्पादकद्धारा उतपदन गरिएका ब्याच नम्बर ११८७३६० रहेको मेट्रिस (मेट्रोनिडाजोल) र ब्याच नम्बर १ एच ८२९३६ रहेको कम्पाउन्ड सोडियम ल्याकटेट इन्जेक्सनको बिक्री वितरणमा रोक लगाएको सूचना जारी गरेको छ ।
विभागले सोमबार गरेको निर्णयअनुसार उक्त औषधिहरु अर्को सूचना नभएसम्मका लागि विक्रि वितरण र प्रयोग नगर्न तथा नगराउन अनुरोध गरेको हो ।
उक्त दुवै औषधिहरु भारतीय कम्पनीका हुन् । विभागका अनुसार सोडियम ल्याकटेट एक्युलाइफ हेल्थकेयर प्रालि, इन्डिया र ओत्सुका फर्मास्युटिकल्स इन्डिया प्रालिको रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
