काठमाडौं । कोरोना भाइरसको संक्रमण बढेको भन्दै चीनले पुनः नेपालसँगका नाका बन्द गरेको छ । तिब्बतमा कोभिड संक्रमण दर बढेको भन्दै तातोपानी र रसुवागढी नाका बन्द गरेको हो ।
नाका बन्द भएपछि दुबै स्थानबाट तीन दिन अघिदेखि चिनियाँ सामान आयात निर्यात भएको छैन । भन्सार कार्यालयहरुले जनाए अनुसार बुधबारबाट नै सामानहअरु आउन रोकिएको हो । यसरी सामान आउन रोकिँदा चाडबाडका लागि हुने आयात प्रभावित हुने भएको छ ।
तिब्बतमा कोभिड संक्रमण दर बढेको भनिए पनि अब कहिले खुल्नेबारे केही जानकारी नआएको कार्यालयहरुले जनाएका छन् ।
स्याउ, मेशिनरी उपकरण, रोल कपडा यी नाकाबाट आयात भइरहेका छन् । निर्यात भने ठप्प बराबर नै छ । तीज र दशैंका लागि आवश्यक सामग्रीसहित केरुङमा ५० कन्टेनर सामान नेपाल ल्याउन तयारी अवस्थामा राखिएको व्यापारीहरुले बताएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
