काठमाडौं । सरकारले लगानी बोर्डको सिईओमा सुशील भट्टलाई नियुक्त गरेको छ । सोमबार बसेको मन्त्रिपरिषद् बैठकले भट्टलाई आगामी ४ वर्षका लागि लगानी बोर्डको सिईओमा नियुक्त गर्ने निर्णय गरेको छ । उनी अहिले राष्ट्रिय योजना आयोगका सदस्य छन् । उनीसँग इन्जिनियरिङ, व्यवस्थापन तथा योजनाको अनुभव रहेको छ । लगानी बोर्डको सीईओ नियुक्तिको प्रस्ताव अघिल्लो मन्त्रिपरिषद् बैठक मै गरिएको थियो ।
सीइओको दौडमा अहिले पुनर्निर्माण प्राधिकरणका सिइओ सुशील ज्ञवाली र भट्ट अग्रपंक्तीमा थिए । ज्ञवालीलाई प्रधानमन्त्री केपी शर्मा आफैले केही समय पुनर्निर्माण प्राधिकरणमै काम गर्न लगाएर भट्टलाई लगानी बोर्डमा नियुक्तीको बाटो खोलिदिएका हुन् ।
यी दुबै पदमा प्रधानमन्त्रीको प्रत्यक्ष चासो छ । यद्दपी सिइओ सिफारिस समिति भने अर्थमन्त्री डा. युवराज खतिवडाको नेतृत्वमा थियो । समितिले रामकृष्ण खतिवडा, सुशील भट्ट र डा. सरोज कोइरालाको नाम मन्त्रिपरिषद्मा पठाएको हो । यसअघि महाप्रसाद अधिकारी गर्भनर बनेपछि लगानी बोर्डको प्रमुख पद रिक्त बनेको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
