काठमाडौं । सुनको भाउ अहिलेसम्मकै महंगो भएको छ । विश्व बजारमा सुनको भाउ बढेसँगै नेपालमा पनि सुनको भाउ निरन्तर उकालो लागि रहेको छ । देशमा जारी रहेको लकडाउन खुकुलो भएसँगै खुलेको सुनको कारोबारमा केहि कमी आएता पनि सुनको भाउ भने आकाशिदो क्रममा रहेको छ ।
सुन आज तोलामा ५ सय रुपैयाँले बढेर ९९ हजार रुपैयाँ पुगेको नेपाल सुनचाँदी व्यवसायी महासंघले जनाएको छ । बुधबार प्रतितोला ९८ हजार ५ सय रुपैयाँमा कारोबार भएको सुन आज पाँच सय रुपैयाँले बढेको हो ।
कोरोनाका कारण विश्व अर्थतन्त्र ओरालो लागिरहेका बेला डलरप्रतिको अविश्वास बढ्दैं जानु र लगानीकर्ता सुनमा आकर्षित हुँदा सुनको भाउ बढेको हो ।अन्तर्राष्ट्रिय बजारमा डलर र सुन दुवैलाई लगानीको सुरक्षित क्षेत्र मानिने गरिएकोमा कोरोनाभाइरससँगै अमेरिकी अर्थतन्त्रमा देखिएको संकटका कारण डलरप्रतिको विश्वसनीयता गुम्दै गएको देखिन्छ ।
सुनको भाउले आज नयाँ रेकर्ड बनाए पनि चाँदीको भाउ भने स्थिर नै रहेको छ । चाँदीको आज पनि तोलाको १२ सय २५ रुपैयाँमा कारोबार भएको महासंघले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
