काठमाडौं । यातायात व्यवस्था विभागले सवारीचालक अनुमति पत्रमा वर्ग थपका लागि पनि आवेदन खुलाएको छ ।
दुई साता अघि नयाँ लाइसेन्सका लागि आवेदन खुलाएको विभागले आजदेखि वर्ग थपका लागि पनि अनलाइन आवेदन खुलाएको हो ।
यससँगै अब कुनै एउटा वर्ग रहेका सवारी चालकले अन्य प्रकारका सवारी चलाउनका लागि अनलाइन मार्फत अर्को वर्ग थप गर्न आवेदन दिन सक्ने छन् ।
विभागले जेठ १६ गतेबाट नयाँ लाइसेन्सका लागि आवेदन खुलाए पनि प्राविधिक समस्याका कारण भन्दै वर्ग थपका लागि अनलाइन फारम खुलाएको थिएन ।
विभागले वर्ग थपका लागि अनलाइन आवेदन खुलाए पनि दस्तुर भने अनलाइनबाटै तिर्न मिल्ने व्यवस्था मिलाएको छैन ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।