काठमाडौं । फागुन २२ देखि २७ सम्म देशव्यापी रुपमा महिन्द्रा केयर फेस्ट आयोजना हुने भएको छ ।
नेपालका लागि महिन्द्रा फोरव्हीलरको अधिकृत बिक्रेता अग्नि समूहको सहायक कम्पनी बालाजु अटो वर्क्स प्रालिले यो इभेन्ट आयोजना गर्न लागेको हो ।
महिन्द्रा केयर फेस्ट ४५–पोइन्ट चेकअप क्याम्प भएको कम्पनीले जनाएको छ। जसमा फ्रि लेबर चार्ज, फ्रि हेल्थ चेकअप, लुब्रिकेन्ट्स र स्पेयर पार्टसमा १० प्रतिशत छुट तथा एक्सेसरीजमा २५ प्रतिशतसम्म छुटको लाभ उपभोक्ताले लिन सक्ने बताइएको छ ।
महिन्द्राका ग्राहकले नेपालभरि रहेका महिन्द्राका आधिकारिक सर्भिस सेन्टरमा गएर यस केयर फेस्टमा सहभागी हुन सक्ने कम्पनीले जनाएको छ ।
महिन्द्राले आफ्ना सेवाग्राहीलाई थप सेवासुविधा प्रदान गर्ने उद्देश्यले हरेक वर्ष केयर फेस्ट आयोजन गर्दै आएको छ। यसकारण यस ब्रान्डका ग्राहकले यो फेस्टको प्रतिक्षा गर्ने गरेका छन् ।
कम्पनीले केयर फेस्टमा सर्भिस बुक गर्न वा थप जानकारी लिन ग्राहकका लागि टोल नम्बरहरु १६६००–१००–२०० (नेपाल टेलिकम) र ९८०१५७१२१२ (एनसेल) पनि सञ्चालनमा ल्याएको छ। ग्राहकले यी नम्बरमा सम्पर्क गरेर जानकारी लिने वा सर्भिस बुक गर्न सक्ने कम्पनीले जनाएको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
