काठमाडौं । कोभिड १९ को दोस्रो लहर व्यापक रुपमा फैलिएसँगै नेपालको अधिकांश क्षेत्रमा निषेधाज्ञा जारी भएको छ । उपत्यकामा जारी भएको निषेधाज्ञाले १७ दिन पुरा गरिसकेको छ ।
भाइरसको फैलदो क्रम अझै तिब्र हुँदै गएकाले तत्काल निषेधाज्ञा खुल्ने देखिदैन । यस्तोमा तपाईको सवारी साधन विशेषत मोटरसाइकल थन्केर बसेको छ भने त्यसलाई उचित हेरचाह गर्न नसके निषेधाज्ञा सकिएपछि चलाउनै नमिल्ने अवस्थामा पुग्न सक्छ ।
लामो समयसम्म संचालन नगर्दा सवारी साधनमा समस्या आउने हुँदा विशेष सावधानी अपनाउनु पर्छ ।
लामो समयसम्म मोटरसाइकल थन्काएर राख्नु पर्ने हुँदा सधै सेन्टर स्यान्डमा राख्नु पर्छ । यसो गर्दा मोटरसाइकलको प्रेसर दुबै स्यान्डमा पर्छ । साथै मोटरसाइकल लड्ने सम्भावना पनि हुँदैन् ।
यसरी पार्किङ गरेर राखिएको मोटरसाइकललाई सम्भव भएसम्म हरेक दिन बिहान ५ मिनेट स्र्टाट गर्नु पर्छ । अथवा हरेक हप्ता कम्तीमा एक पटक स्टार्ट गर्ने गर्नु पर्छ । यसो गर्दा मोटरसाइकलको ब्याट्रीमा समस्या आउँदै र इन्जिनमा समेत लुव्रिकेन्ट राम्रोसँग पास हुन्छ ।
लामो समयसम्म पार्किङ गर्दा मोटरसाइकलमा फ्यूल ट्याक भरि राख्नु पर्छ । यसले इन्जिनलाई सुख्खा हुनबाट बचाउने गर्छ । साथै यसो गर्दा इन्धन ट्याङकीमा खियालाग्ने जस्ता समस्या देखापर्दैनन् ।
पाकिङ गरेर राखेको मोटरसाइकलमा धुलोजम्मा हुने, चराले फाहोर गर्ने तथा कोरिने सम्भावना हुन्छ । यसकारण मोटरसाइकललाई पुर्ण रुपमा कभर गरेर राख्न पर्ने हुन्छ ।
लामो समयसम्म प्रयोग नगर्दा मोटरसाइकलको ब्रेक धेरै लुज हुने वा धेरै जाम हुने सम्भावना रहन्छ । यसकारण ब्रेकलाई बेला–बेला प्रयोग गर्ने तथा आवश्यकता अनुसार लुज वा टाइट गर्ने गर्नु पर्छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।