काठमाडौं । अमेरिकी कार निर्माता कम्पनी टेस्लाका प्रमुख कार्यकारी अधिकृत एलन मस्क संसारकै धनी व्यक्ति बनेका छन् ।
बिहिबार टेस्ला कम्पनीको शेयर मूल्य ६ प्रतिशत बढेसंगै मस्क विश्वकै सबैभन्दा धनी व्यक्ति बनेका हुन् । उनी स्पेस एक्स कम्पनीका संस्थापक समेत हुन् ।
बिहिबार टेस्लाको शेयर मूल्य ६ प्रतिशत बढेसंगै मस्कको कुल सम्पत्ति १ सय ९१ अर्ब अमेरिकी डलर पुगेको छ । यो रकम बेजोसको कुल सम्पत्तिभन्दा ३ अर्ब डलर बढी हो । बेजोसको कुल सम्पत्ति १ सय ८८ अर्ब अमेरिकी डलर छ ।
यसको साथै धनाढ्यको तेस्रो स्थानमा रहेका बिल गेट्सको कुल सम्पत्ति १ सय ३२ अर्ब डलर छ ।
मस्कको सम्पत्ति सन् २०२० मा मात्रै १४० अर्ब डलर बढेको थियो । (एजेन्सी)
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
