काठमाडौँ । दुर्घटना न्यूनीकरणका लागि ट्राफिक प्रहरीले सडकमा छोडिएका चौपायामा टल्कने स्टिकर लगाउने अभियान थालेको छ ।
सडकमा छाडा छोडिएका चौपायाका कारण रातको समयमा दुर्घटना हुने गरेको भन्दै महानगरीय ट्राफिक प्रहरी प्रभाग सुकेधाराले चौपायामा टल्कने स्टीकर लगाउने अभियान सुरु गरेको हो ।
त्यस्तै महानगरीय ट्राफिक प्रहरी प्रभाग सुकेधाराले उपत्यकाका रिङ्गरोडमा चल्ने सार्वजानिक यातायातमा समेत सचेतना मुलक स्टिकर लगाउने अभियानलाइ पनि निरन्तरता दिएको छ ।
जसमा सर्बसाधरणका लागि ट्राफिक नियम सम्बन्धी सम्पूर्ण जानकारी दिने उदेश्यले ट्राफिक सकेतहरु सहितको स्टिकर लगाउने अभियानलाइ निरन्तरता दिएको प्रभागले जनाएको छ ।
पछिल्लो समय नेपालमा थप कोरोना भाइरसको संक्रमण तीब्र रुपामा बढी रहेको अबस्थामा स्वास्थ्य मापदण्ड पालना भए नभएको समेत अनुगमन भइरहेको ट्राफिक प्रहरी प्रभाग सुकेधाराले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
