बालेनप्रति हर्कको कटाक्ष :जनतामा जाने साहस नहुनेले प्रधानमन्त्री बन्ने सपना देखेछ!

काठमाडौँ । धरान उपमहानगरपालिकाका मेयर हर्क साम्पाङले काठमाडौं महानगरपालिकाका मेयर बालेन साहप्रति कटाक्ष गरेका छन्।

साम्पाङले राष्ट्रिय स्वतन्त्र पार्टी (रास्वपा) का सभापति रवि लामिछाने र काठमाडौँ महानगरपालिकाका मेयर बालेन्द्र शाह (बालेन)बीच भएको सहमतिको विरोध गरेका छन्।

आइतबार बिहान आधा घण्टाको बीचमा फेसबुकमा दुईवटा स्टाटस लेख्दै उनले रवि र बालेनबीच आजा बिहान भएको सहमतिको बिरोध गरेका हुन्।

‘हाहा…जनतामा जाने साहस नहुनेले प्रधानमन्त्री बन्ने सपना देखेछ,’ बालेनप्रति लक्षित गर्दै साम्पाङले सामाजिक सञ्जालमा लेखेका छन्, ‘फटाहाहरू… सिंहदरबार जलाउने र जेनजीको हत्या गर्नेहरूले विदेशीको इशारामा देश चलाउने रे!’