एयर इन्डियाको विमान दुर्घटनामा २४१ जनाको मृत्यु पुष्टि

काठमाडौं । भारतको गुजरात राज्यको अहमदाबादमा २ सय ४२ जना सवार एयर इन्डियाको यात्रुवाहक विमान दुर्घटनामा २ सय ४१ जनाको मृत्यु भएको पुष्टि भएको छ।

एयर इन्डियाले आफ्नो विमान नम्बर एआई १७१ मा २४२ जना यात्रु सवार रहेको जनाएको छ। तीमध्ये २४१ जनाको मृत्यु भएको पुष्टि भएको उल्लेख गरेको छ। एक जना जीवित यात्रुको मात्र अस्पतालमा उपचार भइरहेको छ।

मृत्यु हुनेमा २४१ यात्रु र चालक दलका सदस्य रहेका छन्। यसमा अन्य मृत्युको संख्या समावेश गरिएको छैन। विमानमा १६९ भारतीय, ५३ बेलायती, एक पोर्चुगिज र एक क्यानेडियन नागरिक सवार थिए। विमान दुर्घटनामा बाँचेका मध्ये एक जना भारतीय मूलका बेलायती नागरिक हुन्।