नुवाकोटका १०३ वर्षीय वृद्ध विलप्रसाद पौड्याल गरे पुर्नविवाह

नुवाकोट । नुवाकोटको लिखु गाउँपालिका-४ चौघडाका १०३ वर्षीय वृद्ध विलप्रसाद पौड्यालले पुर्नविवाह गरेका छन्।

हिन्दू संस्कारअनुसार एक शतक पार गरेपछि गर्नुपर्ने प्रचलन अनुसार धर्मपत्नि १०० वर्षीया दिपकुमारी देवकोटा (पौड्याल)सँग पूर्नविवाह गरेका हुन्।

आफ्नै घरमा आयोजित विवाह समारोहमा उनले आफ्ना ६ छोरा, एक छोरी, ११ नाति, २२ नातिनी, ४९ जना पनाति, पनातिनी सहभागि थिए ।  विवाह सकिएपछि गाउँलेहरूलाई बोलाएर बहुभतेर (भोज)समेत खुवाइएको थियो।

विसं १९७७ साल साउन १७ गते जन्मेका वृद्ध विलप्रसादले १४ वर्षको उमेरमा दिपकुमारी देवकोटासँग हिन्दू परम्पराअनुसार विवाह गरेका थिए।