नेपाल बैंकको कार्ड होल्डरले दराजमा ३ हजारसम्म छुट पाउने

काठमाडौं । नेपाल बैंक लिमिटेड र अनलाइन सपिङ् पोर्टल दराज बीच बैंकका ग्राहकहरुलाई छुट प्रदान गर्ने सम्झौता भएको छ । बैंकको ८६औं वार्षिकोत्सको अवसरका साथै दराजको ११:११ अभियानमा छुट प्रदान गर्ने सम्झौता भएको हो ।

यो योजना कात्तिक २५ गतेदेखि मंसिर ३ गतेसम्म लागू हुने बताइएको छ । सम्झौता पत्रमा बैंकका बजारीकरण तथा अनुसन्धान डिभिजन प्रमुख अर्जुनबहादुर कँडेल र दराजको तर्फबाट पेमेन्ट तथा पार्टनरसिप प्रमुख अरुण फुयाँलले हस्ताक्षर गरेका छन्।

सम्झौता अनुसार नेपाल बैंकका ग्राहकहरुले दराजद्वारा ११:११ को अवधिमा अनलाइन सामान गरिद गर्दा डेबिट कार्ड मार्फत अग्रिम भुक्तानीमा अधिकतम १५ प्रतिशत वा २ हजार ५०० रुपैयाँसम्मको छुट पाउने छन्।

साथै क्रेडिट कार्ड मार्फत अग्रिम भुक्तानीमा अधिकतम २० प्रतिशत वा ३ हजार रुपैयाँसम्मको छुट प्राप्त गर्न सक्नेछन्। उक्त छुट प्राप्त गर्नको लागि ग्राहकहरुले आफ्नो कार्ड ई–कमर्सको लागि सक्रिय गर्नुपर्ने बताइएको छ।