‘जनताको सेवक भएर काम गर्ने इच्छा छ, राज्य कोषबाट कुनै पनि तलव भत्ता लिन्न’

चन्द्र बहादुर थापा,
नेता नेपाली कांग्रेस धादिङ

धादिङ । सरकारबाट निर्वाचनको मिति घोषणा भएसँगै देशभर निर्वाचनको माहोल तात्न थालेको छ । देशभर बाट विभिन्न राजनीतिक दलका नेता कार्यकर्ताहरु निर्वाचनको तयारीमा जुटि रहेका छन ।

कतिपयले निर्वाचनमा आफ्नो उम्मेदवारी समेत प्रस्तुत गर्न थालि सकेका छन् ।
यसै क्रममा २ वटा संघिय निर्वाचन क्षेत्र भएको धादिङ जिल्लामा प्रदेश सभा क्षेत्र न. २ (ख) बाट चन्द्र बहादुर थापाले उम्मेदवारी दिने इच्छा व्यक्त गरेका छन ।

विगत लामो समय देखि राजनीतिमा होमिएका थापा हाल ने.का. धादिङको जिल्ला कार्य समितीमा निर्वाचित जिल्ला  सदस्य हुन भने धादिङ-काठमाडौ सम्पर्क समिति का उपाध्यक्ष समेत हुन त्यस्तै विभिन्न व्यवशायी संघ संस्थाहरुमा नेतृत्व तहमा रहेर काम गरि  सकेका थापा ०६२/०६३ को जनआन्दोलन को घाइते पनि हुन् ।

यदि पार्टीको निर्णय वमोजिम टिकट पाए र जनताको चाहना बमोजिम विजयी हुन सके भने आफ्नो ५ वर्षे कार्यकाल भरि राज्य कोषबाट कुनै पनि तलव भत्ता नलिने, साधारण जीवनयापनमा जनताको शासकन भै सेवक वनेर समृद्ध धादिङ निर्माणमा काम गर्ने इच्छा छ भनी प्रतिबद्धता व्यक्त गर्दछन  थापा ।

केही महिना अगाडि मात्रै ठुलै दुर्घटना बाट वाँचेका थापा आफुले पुनस् पुनर्जन्म पाएको जस्तै अनुभुती भैरहेको वर्तमान घडीमा जीवन कालको कम्तीमा ५ वर्ष  राष्टसेवक वनेर विताउने लक्ष्य लिएको थापाको भनाई छ ।