सरकारले लकडाउनमा थप कडाइ गर्ने,एक स्थानीय तहबाट अर्कोमा जान नपाइने

काठमाडौं । सरकारले लकडाउनमा थप कडाइ गर्ने निर्णय गरेको छ ।

मन्त्रिपरिषदको शनिबार बसेको बैठकले लकडाउनमा कडाइ गर्दै एक प्रदेशबाट अर्को प्रदेश, एक जिल्लाबाट अर्को जिल्ला र एक स्थानीय तहबाट अर्कोमा जान नदिने निर्णय गरेको हो ।

स्वास्थ कर्मचारीहरुले सुत्केरी बिदा र किरिया बिदा बाहे अन्य बिदा नपाउने,यदि अन्य बिदा स्वीकृत भएका छन भने रद्द गरिनुका साथै स्वास्थ सेवामा आवद्ध कर्मचारिहरुको राजिनामा समेत स्वीकृत नगर्ने मन्त्रीपरिषद्को निर्णय।

कोरोना भाइरसको प्रकोप न्यूनीकरणका लागि सरकारले यही चैत ११ गतेदेखि लकडाउन सुरु गरेको थियो । पहिलो चरणअन्तर्गत चैत १८ गतेसम्म घोषणा गरिएको लकडाउन पुनः थप गरेर चैत २५ गते राति १२ बजेसम्मका लागि तोकिएको छ । चैत २५ पछि लकडाउन के गर्ने भन्नेबारे भने सरकारले कुनै निर्णय गरेको छैन ।

सरकारका प्रवक्तासमेत रहेका अर्थमन्त्री युवराज खतिवडाले यसबारे आगामी मन्त्रिपरिषद् बैठकमा निर्णय हुने जानकारी दिए ।