२७३ प्रकारका कच्चा पदार्थमा भन्सार दर घटाइयो

काठमाडौं । सरकारले औद्योगिक कच्चा पदार्थमा लाग्ने भन्सार महसुल घटाउने घोषणा गरेको छ ।

अर्थमन्त्री डा. स्वर्णिम वाग्लेले शुक्रबार संघीय संसद्को संयुक्त बैठकमा आर्थिक वर्ष २०८३/८४ को बजेट प्रस्तुत गर्दै २७३ प्रकारका कच्चा पदार्थमा भन्सार दर घटाइएको जानकारी दिएका हुन् ।

सरकारले औद्योगिक कच्चा पदार्थको भन्सार महसुल तयारी मालवस्तुभन्दा कम्तिमा एक तह न्यून हुने व्यवस्था गरेको जनाएको छ ।

अर्थमन्त्री वाग्लेले उद्योगको उत्पादन लागत घटाउने, स्वदेशी उत्पादनलाई प्रोत्साहन गर्ने तथा औद्योगिक प्रतिस्पर्धात्मक क्षमता अभिवृद्धि गर्ने उद्देश्यले यस्तो व्यवस्था गरिएको बताए ।