जेनजी आन्दोलन प्रकरण : यी हुन् मानव अधिकार आयोगले अनुसन्धान सिफारिस गरेका व्यक्तिहरू

काठमाडौं । राष्ट्रिय मानव अधिकार आयोगले जेनजी आन्दोलनसँग सम्बन्धित अनुसन्धान प्रतिवेदनमा विभिन्न राजनीतिक नेता, अभियन्ता तथा सार्वजनिक प्रभाव भएका व्यक्तिहरूको भूमिकामाथि थप अनुसन्धान आवश्यक रहेको निष्कर्ष निकालेको छ।

आयोगका अनुसार आन्दोलनका क्रममा सार्वजनिक रूपमा व्यक्त गरिएका अभिव्यक्ति, गतिविधि तथा सहभागिताले प्रदर्शनको समग्र अवस्थामाथि कस्तो प्रभाव पारेको थियो भन्ने विषयमा विस्तृत अध्ययन आवश्यक देखिएको छ।

प्रतिवेदनमा राष्ट्रिय स्वतन्त्र पार्टी (रास्वपा) का केही नेता तथा सांसदहरूको नाम पनि समावेश गरिएको छ। सूचीमा गणेश कार्की, सुलभ खरेल, बब्लु गुप्ता, डा. तोषिमा कार्की, मनिष झा, हरि ढकाल लगायत रहेका छन्।

त्यस्तै, सार्वजनिक प्रभाव भएका अन्य व्यक्तित्वहरूमा सिसन बानियाँ, निश्चल बस्नेत, रवि किरण हमाल, भाग्य न्यौपाने, दुर्गा प्रसाईं तथा हिमानी राज्य लक्ष्मी सिंहलगायतका नाम पनि उल्लेख गरिएको छ।

आयोगले ती व्यक्तिहरूको प्रत्यक्ष वा अप्रत्यक्ष भूमिका, सार्वजनिक अभिव्यक्तिको प्रभाव तथा आन्दोलनका क्रममा भएका घटनासँग सम्बन्धित पक्षहरूबारे थप अनुसन्धान गर्नुपर्ने आवश्यकता औंल्याएको छ।

यी हुन् मानव अधिकार आयोगले अनुसन्धान सिफारिस गरेका व्यक्तिहरू

गणेश कार्की, सुलभ खरेल, बब्लु गुप्ता, रक्षा बम, कृष्ण कार्की, डा. तोषिमा कार्की, राजीव खत्री, शाम शर्मा, केपी खनाल, दीपक बोहरा, मनिष झा, ज्वाला संग्रौला, हेमराज थापा, पुरुषोत्तम यादव, आशिका तामाङ, विमल पन्त, शोभ शर्मा, विवेक थपलिया, सिसन बानियाँ, आसिममान बस्नेत, भाग्य न्यौपाने, टंक दाहाल, भिक्टर पौडेल, अंकित मल्ल, उमेश बोहरा, शिव यादव, विनोद देवकोटा, सरु सुनुवार, भीम उपाध्याय, रवि किरण हमाल, हरि ढकाल, निश्चल बस्नेत, सुसिला कार्की, ओम प्रकाश अर्याल, गौरी बहादुर कार्की, पशुपति खड्का, दुर्गा प्रसाईं, उज्ज्वल बराल, जेरी ताम्राकार, हेमसागर विद्रोही, बुद्ध छिरिङ, सन्तोष राजावादी, अमित खनाल, दीपक देवकोटा, गौरव बराल, हिमानी राज्य लक्ष्मी सिंह, निशान मैनाली, खेमराज साउद तथा अमनप्रताप अधिकारी।

आयोगले प्रतिवेदनमार्फत आन्दोलनसँग सम्बन्धित घटनाहरूको निष्पक्ष र विस्तृत अनुसन्धान गरी आवश्यक कानुनी प्रक्रिया अघि बढाउन सम्बन्धित निकायलाई सिफारिस गरेको जनाएको छ।