अर्थमन्त्रीले गरे ३० उपसचिवको सरूवा, को कहाँ पुगे ?

काठमाडौं । डा. स्वर्णिम वाग्ले नेतृत्वको अर्थ मन्त्रालयले ३० जना उपसचिवको सरुवा गरेको छ। मन्त्रालयको जिम्मेवारी सम्हालेको तेस्रो दिनमै अर्थमन्त्री वाग्लेले अढाई दर्जनभन्दा बढी उपसचिवको सरुवाको निर्णय गरेका हुन्।

अर्थ मन्त्रालयमा कार्यरत ती उपसचिवहरूलाई विभिन्न सरकारी निकायमा सरुवा गरिएको जनाइएको छ। चैत १३ गते कार्यभार सम्हालेका अर्थमन्त्री वाग्लेले चैत १५ गते नै सरुवाको निर्णय गरेका थिए।

उक्त सरुवासम्बन्धी निर्णयको सूचना अर्थ मन्त्रालयले सोमबार सार्वजनिक गरेको हो।

मन्त्रालयको प्रारम्भिक चरणमै गरिएको यो निर्णयलाई प्रशासनिक पुनर्संरचना र कार्यसम्पादनलाई प्रभावकारी बनाउने प्रयासका रूपमा हेरिएको छ।