सेयर बजारमा दोहोरो अंकको गिरावट,कारोबार रकम १५ अर्ब ९ करोड

.काठमाडौं । सेयर बजारमा दोहोरो अंकको गिरावट आएको छ । साताको कारोबारको चौथो दिन बुधबार सेयर बजार परिसूचक नेपाल स्टक एक्सचेञ्ज (नेप्से) २४.४५ अंकले घटेर २९३५.९४ बिन्दुमा कायम भएको छ ।

यसअघिको पाँच कारोबार दिन भने नेप्से लगातार बढेको थियो । अघिल्लो कारोबार दिन मंगलबार मात्रै पनि नेप्से २३.८३ अंकले बढेर २९६० बिन्दु कायम भएको थियो ।

आज नेप्सेमा कुल १५ अर्ब ९ करोड रुपैयाँ बराबरको कारोबार भएको छ । अघिल्लो कारोबार दिन मंगलबार भने नेप्सेमा कुल १४ अर्ब ३१ करोड माथिको कारोबार भएको थियो ।

बुधबार कारोबारमा आएकामध्ये ४५ कम्पनीको सेयर मूल्य बढ्दा २१३ कम्पनीको घटेको छ । यस्तै, ७ कम्पनीको सेयर मूल्य भने स्थिर छ ।

आज पाँच कम्पनीको सेयर मूल्यमा सकारात्मक सर्किट लाग्दा एक कम्पनीको सेयर मूल्य नौ प्रतिशत बढीले वृद्धि भएको छ ।

प्रतिक्रिया