एकैदिन सुन २० हजार ३ सयले घट्यो, कतिमा हुँदैछ कारोबार ?

काठमाडौं । नेपाली बजारमा आज सुन चाँदीको मूल्यमा भारी गिरावट आएको छ । नेपाल सुनचाँदी व्यवसायी महासंघका अनुसार आज चैत ८ गते सुनको मूल्य तोलामा २० हजार ३ सय रुपैयाँले घटेको हो ।

यससँगै आज सुनको मूल्य तोलामा २ लाख ८२ हजार रुपैयाँ पुगेको छ । चैत ५ गते सुन प्रतितोला ३ लाख २ हजार ३ सय रुपैयाँमा किनबेच भएको थियो ।

यसैगरी, आज चाँदीको मूल्य पनि घटेको छ । आज चाँदी तोलामा ४७० रुपैयाँले घटेको हो । यससँगै आज चाँदी तोलामा ४ हजार ५४० रुपैयाँमा कारोबार भइरहेको छ । चैत ५ गते चाँदी तोलामा ५ हजार १० रुपैयाँमा कारोबार भएको थियो ।