वाईसीएलले ब्युँतायो आफ्नो अर्धसैन्य संरचना

काठमाडौं । नेपाली कम्युनिस्ट पार्टी (नेकपा)को भ्रातृ संगठन योङ कम्युनिस्ट लिग (वाईसीएल) नेपालले आफ्नो स्पेसल टास्क फोर्स (एसटीएफ) संरचना ब्युँताएको छ । वाईसीएल नेपालको भर्चुअल माध्ययमबाट बसेको केन्द्रीय समिति बैठकले उक्त निर्णय गरेको हो ।

देशभरका १६५ वटै निर्वाचन क्षेत्रमा मतदाता तथा उम्मेदवारको सुरक्षा गर्न स्पेशल टास्क फोर्स (एसटीएफ) क्याम्पिङ गरेर राखिने अध्यक्ष पुष्प ओलीले बताए ।

अन्तरपार्टी युवा, विद्यार्थी र जेन–जी युवा संयोजन गर्न संयन्त्रको निर्माण गर्ने तथा सबै प्रदेशहरूमा एकतामा आएका युवा संगठनका नेता सम्मिलित कमाण्ड सेन्टर निर्माण गर्ने निर्णय भएको अध्यक्ष ‌ओलीले जानकारी दिए ।

एक बुथ सय युथ सबै बुथ केन्द्रमा खटाइने, सामाजिक सञ्जालको अधिकतम प्रयोग गर्ने, सम्बन्धित मतदान क्षेत्रका युवा सम्बन्धित क्षेत्रमा नै खटाउने तयारी वाईसीएलको छ ।

बैठकमा पार्टी संयोजक पुष्पकमल दाहाल र फ्याक्सन इन्चार्ज दीपशिखाले चुनावलाई सफल बनाउनका लागि विशेष भूमिका निर्वाह गर्न निर्देशन दिएका थिए ।