शान र सलिनाको गीत ‘संगी’मा पल र सजिनाको रोमान्स

काठमाडौं । गायक शान भुषालको स्वरमा गीत ‘संगी’ सार्वजनिक भएको छ। कपिलराज गिरिको शब्द रहेको गीतमा शानले नै संगीत भरेका छन्। गीतमा शानलाई फिमेल आवाजमा सलिना बिकेले साथ दिएकी छिन् ।

गीतको भिडिओमा अभिनेता पल शाह र सजिना श्रेष्ठ फिचर्ड छन्। मनाङ्गको सुन्दर दृश्यमा खिचिएको भिडिओमा दुवै रोमान्टिक देखिएका छन्। मनाङ्गमा ५ दिन लगाएर खिचेको भिडिओमा पल र सजिनाको केमेष्ट्रीआकर्षक देखिएको छ।

मनाङ्गका दृश्यमा दुवैलाई सुन्दर देखाउन छायाँकारले गरेको मिहेनत पनि उत्तिकै देखिएको छ। किरण थापाको निर्देशन र कोरियोग्राफी रहेको भिडिओलाई पवन सुस्लिङ्गले खिचेका छन्। पवनले नै सम्पादन गरेको भिडियोको सम्पादनमा उनलाई प्रवेश खत्रीले साथ दिएका छन्।

भिडिओको प्रोजेक्ट म्यानेजरको रुपमा प्रवेश खत्रीले काम गरेका छन्।