दाङमा भोलिदेखि एमएडब्लू वृद्धिको टेस्ट ड्राइभ एण्ड एक्सचेन्ज क्याम्प

दाङ । नेपालका लागि डोङफेङ र सेरेस इलेक्ट्रिक सवारी साधनका आधिकारिक वितरक एमएडब्लू वृद्धिले दाङमा आफ्नो अहिलेसम्मकै सबैभन्दा ठूलो टेस्ट ड्राइभ एण्ड एक्सचेन्ज क्याम्प आयोजना गर्ने भएको छ। क्याम्प १९ देखि २१ पौष २०८२ सम्म राप्ती अटोमार्टमा आयोजना हुने कम्पनीले जनाएको छ।

टेस्ट ड्राइभ एण्ड एक्सचेन्ज क्याम्पमार्फत ग्राहकहरूले अत्यन्तै आकर्षक आर्थिक सुविधा तथा एक्सचेन्ज सहुलियतसहित इलेक्ट्रिक सवारी साधनतर्फ रूपान्तरण हुने उत्कृष्ट अवसर पाउनेछ कम्पनीले जनाएको छ।

यो टेस्ट ड्राइभ एण्ड एक्सचेन्ज क्याम्प दुई महत्वपूर्ण अवसरको उपलक्ष्यमा आयोजना गरिएको हो ( दाङमा नयाँ, स्टेट अफ दि(आर्ट डोङफेङ शोरूमको उद्घाटन र नामी भिगोको आधिकारिक सार्वजनिक अनावरण।

इलेक्ट्रिक सवारी साधनको स्वामित्वलाई अझ सहज र सर्वसुलभ बनाउन एमएडब्लु वृद्धिले यस कार्यक्रम अवधिमा विशेष लाभहरूको व्यापक प्याकेज प्रस्तुत गरेको छ। ग्राहकहरूले नयाँ नामी भिगो वा नामी बक्स विशेष नाडा मूल्यमा खरिद गर्न सक्नेछन्।

यससँगै चार्जिङ सुविधा (७ किलोवाट क्षमताको द्रुत चार्जर तथा ३.५ किलोवाट क्षमताको पोर्टेबल चार्जर) र निःशुल्क अटो प्लस बीमा पनि प्रदान गरिनेछ। उच्चस्तरीय इलेक्ट्रिक एसयूभी खोजिरहेका ग्राहकहरूका लागि सेरेसमा अधिकतम ६ लाख रुपैयाँसम्मको विशेष लाभहरू उपलब्ध गराइनेछ। सबै मोडेलमा पुराना सवारी साधनको उत्तम मूल्याङ्कन सुनिश्चित गरिनेछ भने परीक्षण सवारी लिने प्रत्येक आगन्तुकलाई निश्चित उपहार प्रदान गर्ने पनि जनाइएको छ।