सुन प्रतितोला २ लाख ५३ हजार नाघ्यो, चाँदीको मूल्यमा रेकर्ड

काठमाडौं । नेपाली बजारमा सुनचाँदीको मूल्य बढेको छ। नेपाल सुनचाँदी व्यवसायी महासंघकाअनुसार सुन आज एक हजार रुपैयाँ र चाँदी प्रतितोला ५५ रुपैयाँले बढेको हो।

महासंघका अनुसार आज सुन २ लाख ५३ हजार १०० रुपैयाँमा कारोबार भइरहेको छ। बुधबार सुनको मूल्य तोलामा २ लाख ५२ हजार १०० रुपैयाँमा कारोबार भएको थियो।

बुधवार प्रतितोला ३ हजार ७५० रुपैयाँमा कारोबार भएको चाँदी बिहीवार बढेर ३ हजार ८०५ रुपैयाँ पुगेको महासंघले जनाएको छ। जुन मूल्य अहिलेसम्मकै उच्च हो।