एनपीएलमा सट्टेबाजी गर्न खोज्ने दुई जना पक्राउ

काठमाडौं । दोस्रो संस्करणको नेपाल प्रिमियर लिग (एनपीएल) क्रिकेटमा सट्टेबाजी गराउने दुई जनालाई प्रहरीले पक्राउ गरेको छ ।

खेलाडीलाई हारजीतको प्रलोभन देखाउने दिलप्रित सिंह र रेविका सिंह ठकुरीलाई काठमाडौं उपत्यका अपराध अनुसन्धान कार्यालयबाट खटिएका प्रहरीले पक्राउ गरेको हो ।

उनीहरूले सामाजिक सञ्जाल ह्वासएप र इन्स्टाग्रामबाट सम्पर्क गरेर हारजीतमा प्रभाव पारेर आर्थिक प्रलोभन दिएका थिए । उनीहरूलाई मंगलबार लाजिम्पाटबाट नियन्त्रणमा लिएको हो ।

भारत हरियाणा २८ वर्षिय सिंह र बर्दिया घर भइ हाल भारत चण्डिगण बस्ने २४ वर्षीया ठकुरीलाई प्रहरीले नियन्त्रणमा लिएको हो । उनीहरूलाई थप अनुसन्धानका लागि भद्रकालीस्थित काठमाडौँ प्रहरी परिसरमा पठाइएको छ।