एभरेष्ट बैंकको वार्षिक साधारणसभा भोलि सम्पन्न हुने, २० प्रतिशत लाभांश पारित गर्ने

काठमाडौं । एभरेष्ट बैंक लिमिटेडले गत आर्थिक वर्षकाे मुनाफाबाट शेयरधनीहरुलाई वितरण गर्ने घोषणा गरेको लाभांश पारित गर्न भोलि कात्तिक १२ गते साधारण सभा बाेलाएकाे छ ।

बैंकको ३१ औं वार्षिक साधारणसभा भोलि बुधबार भाटभटेनीस्थित आम्रपालि बैंक्वेटमा बिहान ११ बजेदेखि शुरू हुनेछ।

उक्त सभाले चुक्ता पूँजीको ६ प्रतिशत बोनस शेयर र १४ प्रतिशत नगद लाभांश (कर समेत) गरी कुल २० प्रतिशत लाभांश पारित गर्नेछ।

त्यसैगरी गत आवको वित्तीय विवरणहरू पारित गरी चालू आवको लागि लेखापरीक्षक नियुक्ति गरेर निजको पारिश्रमिक निर्धारण गर्ने र आवश्यकता अनुसार बैंकको प्रबन्धपत्र तथा नियमावलीमा आवश्यक संशोधन गर्नेछ।