नेप्सेमा उच्च अंकको गिरावट, कारोबार रकममा भने वृद्धि

काठमाडौं । कारोबार हुने साताको पहिलो दिन नेप्से परिसूचकमा उच्च अंकको गिरावट आएको छ।

आइतबार नेप्से परिसूचक ७८.८३ अंकले घटेर २५०३.३५ विन्दुमा झरेको छ। सेन्सेटिभ इण्डेक्स ११.९१ अंक, फ्लोट इण्डेक्स ५.२३ अंक र सेन्सेटिभ फ्लोट इण्डक्स ४.३२ अंकले घटेपछि नेप्से प्रभावित बन्यो।

आइतबार कारोबार रकम भने गत बिहीबारको तुलनामा झण्डै डेढ अर्बले बढेको छ। ३२४ स्टकको ६७ हजार २०२ पटकको कारोबारमा ६ अर्ब ७० करोड ७२ लाख ४५ हजार रुपैयाँबराबरको १ करोड ४३ लाख ६४ हजार कित्ता शेयर खरिदबिक्री भएको छ। बिहीबार ५ अर्ब २७ करोडको कारोबार भएको थियो।

नेपाल माइक्रो इन्स्योरेन्स कम्पनीको शेयरमूल्य सर्वाधिक ६.०१ प्रतिशतले बढेको छ भने बुटवल पावर कम्पनीको शेयरमूल्य सर्वाधिक ९.२७ प्रतिशतले घटेको छ। आइतबार नेपाल पुनर्बीमा कम्पनीको शेयरमूल्य ९ प्रतिशत र राधी विद्युत कम्पनीको शेयरमूल्य साढे ८ प्रतिशत घटेको छ।

कारोबार रकमका आधारमा शीर्षस्थानमा रहेको नेपाल पुनर्बीमा कम्पनीको ३८ करोड ७ लाख रुपैयाँबराबरको कारोबार भयो।

आइतबार १३ वटै उपसमूहको परिसूचक घटेको छ। होटल तथा पर्यटन उपसमूहको परिसूचक सर्वाधिक ४.८४ प्रतिशत, अन्य उपसमूहको परिसूचक ४.७९ प्रतिशत, वित्त, जलविद्युत र लगानी उपसमूहको परिसूचक ३ प्रतिशत तथा बैंकिङ्ग, विकास बैंक, जीवन बीमा, लघुवित्त, निर्जीवन बीमा र व्यापार उपसमूहको परिसूचक २ प्रतिशतभन्दा बढीले घटेको छ।