निगमले भोलिदेखि चीनको ग्वाङझाउमा सीधा उडान गर्ने

काठमाडौं । नेपाल वायुसेवा निगमले भोलि विहीबारदेखि चीनको ग्वाङझाउमा सीधा उडान गर्ने भएको छ । निगमले पहिलोपटक काठमाडौंबाट सिधै चीनको ग्वाङ्जाओमा उडान गर्दै छ ।

काठमाडौं –ग्वाङ्जाओ–काठमाडौं उडान सातामा तीन वटा गर्ने गरी तालिका बनाएको वायुसेवा निगमले जनाएको छ ।

निगमले काठमाडौं-ग्वाङ्जाओ उडानको भाडादर एकतर्फी ३० हजार र दुइतर्फी ५० हजार रुपैयाँ तोकिएको छ । निगमको चीन उडान राती १० बजेर १५ हुने र भोलिल्ट विहान मात्रै फर्कने छ ।

हाल निगमले नारिता (जापान), क्वालालम्पुर (मलेसिया), हङकङ, दोहा (कतार) र दुबई (युएई), दमाम (साउदी) र बैंकक (थाइल्यान्ड)लगायत गन्तव्यमा अन्तर्राष्ट्रिय उडान गर्दै आएको छ । त्यसैगरी, छिमेकी देश भारतका तीन गन्तव्य मुम्बई, बेंगलोर र दिल्लीमा समेत निगमको उडान हुँदै आएको छ । निगमले उत्तरतर्फको छिमेकी देश चीनमा समेत उडान विस्तार गरेको हो ।