सुनसहित त्रिभुवन विमानस्थलबाट भारतीय नागरिक पक्राउ

काठमाडौं । त्रिभुवन अन्तर्राष्ट्रिय विमानस्थल काठमाडौंबाट सुनसहित एक जनालाई प्रहरीले नियन्त्रणमा लिएको छ।

मंगलबार दिउँसो भन्सार क्षेत्रबाट करिब ८ सय ३५ ग्राम सुनसहित एक जनालाई पक्राउ गरेको प्रहरीले जनाएको छ।

पक्राउ पर्नेमा भारतीय नागरिक ४८ वर्षीय रोनक मदनी छन्।

इन्डिगो एयरको उडानमार्फत मुम्बईबाट काठमाडौं आएका उनलाई आगमन भन्सार क्षेत्रमा जाँच गरेको थियो।
शंका लागेपछि उनको भिडिओ एक्सरे गरिएको थियो। मलद्वारमा तीन वटा डल्लोमा सुन राखेको खुलेपछि उनलाई नियन्त्रणमा लिएको छ।

अनुसन्धानका लागि भन्सार कार्यालयमा बुझाएको छ।