नेपाल इन्फ्रास्ट्रक्चर बैंकले ६.३२ प्रतिशत नगद लाभांश दिने

काठमाडौं । नेपाल इन्फ्रास्ट्रक्चर बैंक लिमिटेडले आफ्ना सेयरधनीलाई ६.३२ प्रतिशत नगद लाभांश दिने भएको छ ।

बैंकको सञ्चालक समिति बैठकले आर्थिक वर्ष २०७९/८० को सञ्चित मुनाफाबाट चुक्तापुँजीको ६.३१५८ प्रतिशत, अर्थात् करिब १ अर्ब ३४ करोड ४२ लाख रुपैयाँ बराबरको नगद लाभांश वितरण गर्ने प्रस्ताव गरेको हो ।

बैंकको हालको चुक्तापुँजी २१ अर्ब ६० करोड रुपैयाँ रहेको छ । प्रस्तावित लाभांश नेपाल राष्ट्र बैंकको स्वीकृति र आगामी साधारणसभाले अनुमोदन गरेपछि मात्र वितरण गरिनेछ ।