एससीओ शिखर सम्मेलनमा मोदी, पुटिन र जिनपिङको त्रिपक्षीय भेट

काठमाडौँ। शाङ्घाई सहयोग संगठन (एससीओ) शिखर सम्मेलनको अवसरमा भारतीय प्रधानमन्त्री नरेन्द्र मोदी, चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनको त्रिपक्षीय भेटघाट एका छन्।

प्रधानमन्त्री मोदीले तीन नेताको तस्बिर सामाजिक सञ्जालमा साझा गरेका छन्। सोमबार आयोजित फोटो सेसनमा भाग लिएको मोदीले त्यसपछि पुटिन र जिनपिङसँग भेटेर विभिन्न विषयमा छलफल गरेका थिए। यस भेटघाटले तीन देशबीचको त्रिपक्षीय कूटनीतिक सम्बन्धलाई अझ स्पष्ट बनाएको बताइएको छ।

भेटवार्ताको क्रममा मोदी र पुटिनबीच हार्दिक अँगालो साटासाट भएको थियो। केही समयपछि मोदीले एससीओ बैठकलाई सम्बोधन गर्ने कार्यक्रम रहेको छ भने उनी पुटिनसँग अलग द्विपक्षीय वार्तामा पनि सहभागी हुनेछन्।

हिजो मोदीले राष्ट्रपति सीसँग व्यापार, आतंकवाद र अन्य महत्वपूर्ण विषयमा विस्तृत छलफल गरेका थिए। शिखर सम्मेलनमा सहभागी अन्य नेताहरूले सामूहिक तस्बिर खिचेका थिए, जसमा पाकिस्तानका प्रधानमन्त्री शाहबाज शरीफ पनि उपस्थित थिए।