एसेट क्वालिटीको विधामा महालक्ष्मी विकास बैंकले पायो अवार्ड

काठमाडौं । महालक्ष्मी विकास बैंकले इन्डियन चेम्बर अफ कमर्स, कोलकत्ताको प्रतिष्ठित अवार्ड पाएको छ । बैंकले सम्पत्ति गुणस्तर अन्तर्गतको विधामा सम्मान पाएको हो ।

नयाँ दिल्लीमा आयोजित तेस्रो इर्मजिङ एसिया बैंकिङ कनक्लेभ एन्ड अवार्डस् कार्यक्रममा बैंकले उक्त सम्मान प्राप्त गरेको हो । बिमस्टेक क्षेत्रमा सबैभन्दा प्रतिष्ठित रहेको बैंकिङ कनक्लेभ तथा अवार्ड कार्यक्रममा भारत, श्रीलंका, नेपाल, म्यानमार, बंगलादेशका बैंकहरुको सहभागिता थियो ।

बैंकले सम्पत्तिको संरचना, सम्पत्तिको प्रभावकारी परिचालन तथा सम्पत्तिको गुणस्तर सुधारमा उल्लेखनिय कार्य गरे वापत उक्त अवार्ड पाएको हो ।

यस अवार्डले बैंकलाई अन्र्तराष्ट्रिय क्षेत्रमा बैंकको पहिचान स्थापित गर्न सहयोग पुगेको दाबी बैंकको छ ।

हालै महालक्ष्मी र भारतको एचडीएफसी बैंकबीच सीमा–पार वित्तीय सेवाहरुलाई प्रवद्र्धन गर्न तथा भारतबाट नेपालमा भुक्तानी सम्बन्धी कार्य गर्न समझदारी भएको छ । समझदारी अन्तर्गत महालक्ष्मी विकास बैंकले ग्राहकहरुले भारतबाट नेपालमा भुक्तानी गर्न मिल्ने प्रणालीे सञ्चालनमा ल्याएको हो ।