रास्वपाले आज रुपन्देही-३ मा उम्मेदवार घोषणा गर्ने

काठमाडौं । राष्ट्रिय स्वतन्त्र पार्टी (रास्वपा)ले रुपन्देही क्षेत्र नम्बर–३ मा आगामी कात्तिक १७ गते हुने उपनिर्वाचनका लागि आज उमेदवार घोषणा गर्ने भएको छ।

यसका लागि वनस्थलीस्थित केन्द्रीय कार्यालयमा दिउँसो साढे १ बजे पार्टी सचिवालय बैठक बस्न लागेको प्रवक्ता मनिष झाले जानकारी दिए। उक्त बैठकपश्चात् उमेदवार घोषणा गरिने उनले बताए।

“बैठकपश्चात् पार्टी प्रवेश कार्यक्रम र रुपन्देही–३ मा हुने उपनिर्वाचनको उमेदवार घोषणा कार्यक्रम हुनेछ,” उनले भने।

सचिवालय बैठकमा रुपन्देही–३ मा उमेदवार छनोट मूल्यांकनबारे छलफल गरिनेछ। प्रवास विशेष अभियान सञ्चालनबारे र विविध विषयमा छलफल गरिने प्रस्तावित एजेन्डा छ।

रुपन्देही–३ मा रास्वपाबाट उमेदवारका निम्ति नौजना प्रतिस्पर्धामा छन्। उनीहरूमध्येबाट एक उमेदवार तय गरिनेछ।