‘मार्गदर्शक’ पुस्तक विमोचन, पत्रकारिता क्षेत्रका योगदानकर्ताहरू सम्मानित

ललितपुर । नेपाल पत्रकार महासंघ, ललितपुर शाखाले प्रकाशन गरेको ‘मार्गदर्शक’ पुस्तकको आज महालक्ष्मीस्थानमा आयोजित कार्यक्रममा सामूहिक रूपमा विमोचन गरिएको छ।

कार्यक्रममा नेपाली कांग्रेसका नेता उदयशमशेर राणा, पत्रकार महासंघकी अध्यक्ष निर्मला शर्मा, प्रदेश सांसद उर्मिला लामा, गोदावरी नगर प्रमुख गजेन्द्र महर्जनलगायतले पुस्तक विमोचन गरेका थिए।

सो अवसरमा एसईई र प्लसटु उत्तीर्ण पत्रकारका छोराछोरी तथा महासंघको विकासमा योगदान पुर्‍याउने पत्रकारहरूलाई सम्मान गरिएको थियो।

नेता राणाले डिजिटल युगमा गलत सूचना फैलिन नदिन पत्रकारको भूमिकामा जिम्मेवारी जरुरी रहेको बताए। अध्यक्ष शर्मा र सांसद लामाले पुस्तकले पत्रकारिता इतिहासको संरक्षण गरेको उल्लेख गर्दै शाखाको कार्यको प्रशंसा गरे।